मृगौला, मूर्ति र शरीर बेचिएका खबर
दैनिक अखवारको हेडलाइन बन्ने यो देशमा
कहिल्यै महत्ताको खबर बनेनन्
ती भन्दा कैयन मर्मस्पर्शी अनि भयानक
सपनाहरु बेचिएका खबरले
छरप्रस्ट छरिएका मैला धैला आकृतिहरुलाई
बटुलेर कसैगरी, जोडेर मनको धागोले
हामी उमार्छौं सानो सपनाको बिरुवा
असाध्यै सानो सपना, तर मिठो सपना
अनि आइपुग्छन्,
कहिले आफन्त बनेर उकेरा लगाउन
कहिले गोडमेल गरिदिन्छन् हितैषी बनेर
समाजसेवी बनेर कहिले मलजल गर्छन्
जब झाँङ्गिन्छ त्यो सानो आँकुरा
ठूलो रुख बनेर
सपनाको रुख, कल्कलाउँदो, लोभलाग्दो
हागाँमा एउटा बनाउँछ
सानो धोविचराले, सपनाकै...
