मञ्चासिन तथा मञ्चाभिमुख सम्पुण महानुभावहरु
नमस्कार
नमस्कार
३६५ दिन, ९७५ ओटा एस.एम.एस, १०२२ वटा इमेल, लगभग ५०० को संख्यामा फोन कल, २३ नियमित बैठक, ११ बोर्ड बैठक, ५ जोनल मिटिग, २ वटा साधारण सभा ४ वटा डिष्टिक कार्यक्रम, १३५० कि.मीको यात्रा, २१ वटा क्लबले गरेका कार्यक्रम, लगभग २००००० रुपैयाँ बजेट अनि केही फेलोसिप कार्यक्रम,
अंक गणितमा बर्ष २०१३/१४ लाई हेर्ने हो भने यि र यस्तै संख्याहरुको जोडघटाउ आउँदो रहेछ तर अंकगणितीय हिसाबले मात्रै हेर्नु अन्याय पनि हुने रहेछ । बर्ष २०१३/१४ लाई भावात्मक तबरले हेरयो भने एक बर्षभित्र एउटा अलग्गै जिन्दगी भोगेको महशुस हुँदो रहेछ ।
मित्र अनिल खड्काले रोट¥याक्ट क्लबको पहिलो बैठकमा लिएर आउँदा दाई निर्देशन कुमार चुल्याजु अध्यक्ष हुनुहुन्थ्यो र अध्यक्षको कुर्चिबाट मिटिग चलाईरहनुभएको थियो । बस त्यतीबेलै बनेको थियो एउटा सपना । यस क्लबको अध्यक्ष बन्ने । अध्यक्ष बसेको कुर्चि बाहिरबाट हेर्दा आरामदायी गददा हालेको देखिएको थियो । त्यतीबेला लागेको थियो अध्यक्ष हुनु भनेको खादा, सम्मान आसन ग्रहण, प्रशंशा जोश, जाँगर उत्साह र हैकम हो । तर आज ठिक ७ बर्षपछि आफै अध्यक्ष भएर निवर्तमान हुने तयारी गरिरहँदा बल्ल अनुभुत हुँदैछ अध्यक्ष हुनु भनेको त्यती मात्रै होइन रहेछ । अध्यक्ष हुनु भनेको कयौ सोच्दै नसोचेका कुरा सोच्नु, भोग्दै नभोगेका कुरा भोग्नु र चिन्तन गर्न आवश्क छैनन् भन्ने कुरा चिन्तन गर्नु रहेछ ।
अध्यक्ष हुनु भनेको
१) बैठकको अघिल्लो रात
भोलि बैठकमा कति जनाको उपश्थिती रहलान ?
२) कार्यक्रमलाई छुटयाएको बजेट पुग्ला ?
३) सचिवज्यू रिपोर्ट तयार भयो ?
४) कोषाध्यक्ष ज्यू डिउज उठयो ? विज्ञापनको पैसा कति उठन बाँकी छ ?
५) भोलिको कार्यक्रम छ । झमझम पानि परेर कार्यक्रममा कोही आएनन भने चाही के गर्ने होला ?
६)प्रमुख अतिथी आइदिएनन भने के गर्नु होला ?
७) फलानो व्यक्ति मिटिगमा नआएको ३/ ४ हप्ता भयो , किन नअाउनुभएकाे होला ?
८ क्लबको प्रतिष्ठा र सामाजिक सेवाको भावना उचो बनाइराख्न यो कार्यकालमा के नयाँ गर्न सकिएला ?
जस्ता अनेकौ प्रश्नको समाधान र उत्तर खोज्नु पनि रहेछ र बर्ष २०१३ १४ मा म अन्य यस्तै यस्तै थुप्रै प्रश्नहरुको उत्तर साथीहरुसंग मिलेर खोज्ने प्रयार गरियो ।
रोटरी बर्ष २०१३ १४ मा केही पुराना कुरालाई निरन्तरता दिँदै केही कामहरु अझ रचनात्मक तबरले गर्ने प्रयास गरियो । यस बर्र्ष पर्वतको माझफाँट गा.वि.स.का १५० जना दलित विद्यार्थीहरुमाझ मुख स्वास्थ्यको सचेतना गराउदै निशुल्क टुथपेष्ट व्रस वितरण र दाँत माझने प्रतियोगिता एवं दाँत शिविर होस वा अन्तराष्टिय आप्रवासीहरुको हक हितको सवालमा यूवा दिवसको कार्यक्रम होस, वृदाश्रममा सोलार कुकर वितरण होस वा अनुसन्धानमा संलग्न विद्यार्थीहरुलाई गुगल स्कलर तालिम होस, गाउँफर्क प्रावि.मा विद्यार्थीहरुलाई स्टेसनरी वितरण होस उपलब्ध श्रोत र साधनको अधिकतम उपयोग गर्दै हामीले सामाजिक सेवा तथा सदस्यहरुको वृत्ति विकासका लागि सक्दो जुटिरहयौं । समुदाय र आफैमा मात्रै होइन हामी यो बर्ष आफनै परिवारमा पनि रोट¥याक्ट गतिविधि लिएर प्रवेश गरयोैं । सधै मनाउँदै आएको तिज हामीले यस बर्ष श्रीमान गुमाएका एकल महिला दिदीबहिनीहरुको माइति बनेर तिजमा दर खुवाउने कार्यक्रम गरयौ अनि त्यसै गरी माता तिर्थ औंसीको दिनमा क्लबका सम्पूर्ण सदस्यका आमाहरुलाई एकैठाउँमा भेला गरेर आमा औसीं भनेको एक प्याकेट मिठाई, एक किलो फलफूल र केही रुपैया मात्रै होइन, भावना र संवेदनाको असिम अनुकम्पा पनि हो भन्ने सन्देश बाँडिरहयौं ।
आर.आइ ३२९२ कै इतिहासमा पहिलोपटक रोट¥याक्ट क्लबहरु समेत आयोजक रहि जोन फोर का सबै रोट¥याक्ट क्लब हरु र रोटरी क्लब अफ पोखरा न्यूरोड मिलि हामीले ५ दिने रोटरी यूथ लिडरसिप अर्वाड (राइला) आयोजना गर्न सक्यौ यसै बर्ष । पोलियो शुन्य अवस्थामा नेपाल प्रवेश गरेको छ । हामी सबैलाई बधाई । हाम्रो संयुक्त प्रयासले संभव भएको पोलियो शुन्य अवस्थाको शुखद घडिमा आफनो कार्यकालमा योगदान दिन पाउँदा गौरवान्वित महशुस भैरहेछ । आर.आइं प्रेसिडेन्ट रोन डि बर्टन को थिम Engage Community Chage Lives सफलिभूत पार्न योगदान दिएको भन्दै यसै बष आर.आइं प्रेसिडेन्ट रोन डि बर्टन र डिष्टिक्ट गर्भनर दिलेन्द्र राज श्रेष्ठको हस्ताक्षर अंकित प्रेसिडेन्सीय साइटेसन अवार्ड क्लबले प्राप्त गरेकाले पनि मानविय सेवामा अझ समर्पित भएर लाग्न प्रेरणा मिलेको अनुभुति भएको छ ।
यि सबै कार्य एक्लैले पक्कै सम्भव थिएन । क्लबका हरेक सदस्यहरुको सहयोग साथ र सदभावले मात्रै यि सबै कामहरु संभव भएका थिए । त्यसैले सम्पूर्ण सदस्य साथीहरुलाई म हृदयदेखी आभार प्रकट गर्न चाहान्छु । क्लबका पूराना सदस्य साथीहरुको योगदान त छदै छ केही नयाँ सदस्यहरुले पनि यस बर्ष धेरैनै सहयोग गर्नुभयो । मैले यसो भनिरहँदा यहाँहरुमध्ये जसलाई यो सम्बोधन भित्र म पनि पर्छु भन्ने लागिरहेको छ वहाँहरु सबैलाई पनि फेरी एकचोटी धन्यवाद
जोन फोरका सबै रोट¥याक्ट क्लबका अध्यक्ष साथीहरुले पनि कार्यकाल सफल बनाउन उत्तिकै सहयोग र सदभाव व्यक्त गर्नुभएको छ । मुरी मुरी धन्यवाद वहाँहरुलाई पनि
जेड आर आर सृजना भुर्तेल र जेड एस. विनोद आचार्य, तपाईहरुको सहयोग सदा याद रहिरहनेछ ।
आफनै होम क्लब रोटरी क्लबका सम्पूर्ण सदस्यहरु एवं भर्खर निर्वतमान हुनुभएका माइकल सर । हाम्रो होस्टे मा यहाँहरुले हैसे नभनिदिनुभएको भए यो संभव थिएन । रोटरी रोट¥याक्ट को पार्टनर इन सर्भिस को भावनालाई सहि अर्थमा यस बर्ष हामीले हाम्रो प्यारेन्ट क्लबसंग उपभोग गरयौं ।
यसैगरी धन्यवादको पात्र हुनुहुन्छ पोखरा स्थित सम्पूण रोटरी क्लबका अध्यक्षहरु । राइला सहआयोजनाका अवसरका लागि रोटरी क्लब अफ पोखरा न्यूरोड एवं शुवास सिग्देल दाईलाई धन्यवाद
एम. ए. वि. एड. एल.एल. वि सम्मको अध्ययनका क्रममा पाठयपुस्तक तथा विविध गरी लगभग १५० केजी किताबको अध्ययन गरियो होला । जिवनका चौविस बसन्त लगाएर त्यती धेरै मोटा र गहुँगा पुस्तकले मलाई जे सिकायो जति ज्ञान दियो लगभग २५० ग्रामको यो अध्यक्षको कोलार ले एक बर्षमा लगभग त्यतीनै ज्ञान र अनुभव दिएको छ मलाई ।
अब केही मिनेटमै म अध्यक्ष बाट निवर्तमान अध्यक्ष हुनेछु आज अर्का एउटा कुरा पनि अनुभव हुँदैछ । सधै कुर्चि छोडन नचाहेकोमा हामी नेताहरुलाई गालि गथ्यौं तर कर्चि र पद छोडन गार्है हुँदो रहेछ ।। एक मन त लागिरहेछ केटाकेटीमा जब केही कुरा दिन मन हुन्न अनि अञ दिन्न भनेर जिदी गरेझै यो कोलार र अध्यक्षको जिम्मेवारी सुवासजी लाई नदिउ । कुदौं बाहिर बाहिर । तर सुवासजि जस्तो योग्य र जिम्मेवार साथीलाई अध्यक्षीय जिम्मेवारी सुम्पन पाउँदा ढुक्क लागिरहेछ । शुभकामना सुवासजि र यहाँको टिमलाई ।
धन्यवाद दिन धेरै बाकि हुनुहुन्छ ।
अध्यक्ष हुनु भनेको कहिलेकाही अलि फरक निर्णय लिनु पनि रहेछ । कहिलेकाही फरक निर्णय लिन क्रममा कसैलाई नराम्रो लागेको भए बुझिदिनुहोला त्यो व्यक्तिगत नभएर संस्थागत हितका लागि लिइएको निर्णय थियो । It was nothing personal but totally professional.
यतिबेला म स्मरण गर्न चाहान्छु मेरो आमा सरस्वती पौडेल र बुबा स्व. चिरञ्जीवी प्रसाद उपाध्याय लाई । उहाँहरुको सदमार्गप्रतिको प्रेरणा दिर्घजीवि रहयो । त्यसैगरी धन्यवाद मेरो अर्धागीनी पदमा र छोरी आभा प्रति जसको जिवनको कयौ अमुल्य घण्टाहरु रोटरयाक्टका लागि मैले कहिले मागेर कहिले विना सुचना लिएको छु र बदलमा उल्टो भरोसालाग्दो काँध र निश्चल हाँसो पाएको छु ।
सन्त कविर भन्छन
बुरा जो देखने चला मे बुरा ना मिला कोही
अपने अन्दर झाँकके देखा तो मुझसे बुरा ना कोही
बर्ष २०१३/१४ मा जे जती राम्रा कामहरु सम्पन्न गर्न सकियो ति सबैका लागि क्लबका सम्पूर्ण सदस्य र सम्बिन्धत सबैमा म त्यो श्रेय बाडन चाहान्छु र यदि केही गल्ती कमि कमजोरी भएको भए अध्यक्ष हुनुको नाताले त्यसको सम्पूर्ण जिम्मेवारी म एक्लैले बहन गर्न चाहान्छु ।
धन्यवाद सबैमा यतिबेलासम्म मलाई सुनिदिनुभएकोमा
कवि रोबर्ट फ्रस्ट भन्छन
The woods are lovely dark and deep
But I have promises to keep
and miles to go before I sleep
and miles to go before I Sleep.
Thank You Everyone
हाेटल फुलवारी रिसाेट, पाेखरा
